Kevin McCarthy është shkarkuar nga detyra e udhëheqësit të Dhomës së Përfaqësuesve në Shtetet e Bashkuara.
Rezultati përfundimtar ishte 216 vota kundër dhe 210 pro për të hequr kongresmenin si udhëheqës i shumicës republikane në dhomën e ulët të Kongresit.
Kjo është hera e parë në historinë amerikane që shkarkohet një zyrtar prej kësaj pozite përmes një votimi.
Kongresi ka pak më shumë se 40 ditë për të rënë dakord për një marrëveshje për të shmangur një mbyllje tjetër të mundshme të qeverisë.
Republikani nga Florida, Matt Gaetz, një aleat i Trump, paraqiti një mocion për të rrëzuar zotin McCarthy.
Ai akuzoi Kryeparlamentarin se bëri një marrëveshje të fshehtë me Shtëpinë e Bardhë për të vazhduar financimin për Ukrainën, mes negociatave për të shmangur një mbyllje të pjesshme të qeverisë në fundjavë. Zoti McCarthy e mohon atë.
Në një takim privat të politikanëve republikanë të martën në mbrëmje, pasi humbi punën e tij, McCarthy u tha kolegëve se nuk kishte në plan të kandidonte përsëri për Kryeparlamentar.
Ai më vonë sulmoi armikun e tij politik, z.Gaetz, duke e akuzuar atë për kërkim të vëmendjes.
“Ju e dini se ishte personale,” tha zoti McCarthy në një konferencë shtypi, “nuk kishte të bënte me shpenzimet.”/Opinion.al
