Pas disa shkeljeve radhazi të kontrollorëve të kufirit në Durrës, është shkarkuar Drejtoresha Rajonale e Kufirit dhe Migracionit Lindita Nushi. Mësohet se shkarkimi i saj është bërë me urdhër të Ministrit të Brendshëm Sandër Lleshi. Lindita Nushi e mbante këtë detyrë nga maji i vitit të kaluar.
Shkak për shkarkimin e saj mendohet të jenë bërë arrestimet e gjashtë punonjësve të Policisë Kufitare në Portin e Durrësit më 3 mars. Ata ushtronin detyrën e kontrollorit, ndërsa Shërbimi për Çështjet e Brendshme i arrestoi me akuzën e korrupsionit pasiv dhe shpërdorimit të detyrës, pasi duke marrë shuma të ndryshme parash, kalonin në mënyrë të paligjshme shtetas që e kishin të ndaluar udhëtimin në zonën “Shengen”./Opinion.al
