Vettingu ka rrëzuar dhe prokurorin e Sarandës, Edison Ademi. Ky i fundit është gjetur i papërshtatshëm për të vazhduar këtë detyrë në dy komponentë, pasurinë dhe figurën.
Menjëherë pas vendimit prokurori i revoltuar tha në sallë: Mbaje mend po nuk të futa në burg!
Trupa e komisionerëve që ka ndërmarrë hetimin administrativ ndaj Ademit, përbëhej nga Firdes Shuli, Lulzim Hamitaj dhe Genta Tafa Bungo.
Ademi e ka filluar karrierën në vitin 1998 si oficer i Policisë Gjyqësore në Prokurorinë e Vlorës.
Ai është emëruar prokuror me datë 5 korrik 2004 në Prokurorinë e Rrethit Gjyqësor Vlorë.
Në vitin 2015 ai është promovuar si drejtues i Prokurorisë së Rrethit Gjyqësor Sarandë./Opinion.al
