Mëngjesin e së hënës, selia e Partisë Socialiste zien nga zërat se kush do të jenë ministrat e rinj të kabinetit ‘Rama’ pas shkarkimit të Tahirit, Beqajt, Klosit dhe Çuçit.
Që në orën 09:00 është njoftuar mbledhja e kryesisë së partisë. Burimet thanë se pritet që Rama të diskutojë me ata emrat e rinj të ministrave.
Të dielën pasdite ai konfirmoi largimet e bujshme të 4 ministrave. Sipas Ramës, ndryshimet në qeveri bëhen për tu ngarkuar detyra elektorale ministrave dhe jo për punën e tyre të dobët në ministritë që kanë drejtuar.
Sot pritet që Rama të dorëzojë në Presidencë dekretet për shkarkimet dhe emërimet e reja. Emrat që përfliten për ministra (jo zyrtare) janë Majko, Balla, Peleshi, Blerina Gjylameti, Vexhi Muçmata, Ervin Bushati, Olta Xhaçka dhe Klodiana Spahiu. /Opinion.al
