Aktualitet

Shkarkimi nga Komisioni i Sigurisë, Noka s’merr pjesë në Kryesinë e Grupit të PD


Bëhu pjesë e Grupit Zyrtar të Opinion.al
>> KËTU <<
               Publikuar në : 11:54 - 12/10/21 |
Opi Nion

Mbrëmjen e djeshme kreu i Partisë Demokratike, Lulzim Basha  mori vendimin për të shkarkuar deputetin Flamur Noka nga posti i nënkryetarit të Komisionit të Sigurisë dhe e paralajmëroi se do ta përjashtonte nga grupi i PD nëse vazhdonte me retorikën kundër tij, të cilat sipas Bashës përçajnë PD.

Ndërkohë abc news bën me dije se vendimi është marrë  nga lideri i PD-së pasi fillimisht është mbledhur dhe ka zhvilluar diskutime me katër n/kryetarët e partisë, Jorida Tabaku, Grida Duma, Alfred Rrushaj, Enkelejd Alibeaj, por edhe sekretarin e përgjithshëm të PD-së Gazment Bardhi.

Më pas ka qenë vetë Lulzim Basha që e ka telefonuar Flamur Nokën dhe ia ka bërë të ditur vendimin për shkarkimin nga posti i nënkryetarit të Komisionit të Sigurisë dhe gjithashtu e ka paralajmëruar se nëse vazhdon këtë rrugë që ka nisur do të përjashtohet nga grupi i PD-së.

Ndërkohë abc news mëson se duke e larguar nga posti i n/kryetarit të Komisionit të Sigurisë, Nokës i është hequr e drejta edhe për të marrë pjesë në Kryesinë e Grupit të PD-së, organ konsultues për vendimmarrjet e PD-së./Opinion.al

Pas