Komisioni Hetimor për shkarkimin e Presidentit Ilir Meta është mbledhur sërish ditën e sotme teksa kanë paraqitur të gjitha provat e mbledhura kundër Metës.
Gajtë mbledhjes janë paraqitur disa pamje filmike, të siguruara nga AMA.
Mbështetur në këto lajme anëtarja e komisionit, Klotilda Bushka, renditi fjalët denigruese e fyese sipas saj, që Meta ka përdorur para dhe gjatë fushatës elektorale.
“Në argumentet që japim, nëse e keni kërkesën përpara është lidhja një, ku citohen materialet që bazohen argumentet e kolegëve. Një pjesë e materialeve kanë të bëjnë me emisione televizive, një pjesë tjetër janë poste në Facebook.
Pjesën e materialeve audio-vizive, të gjithë kolegët mund t’i kenë në celularët e tyre dhe mund t’i shohim vetë. Për efekt të procedurës ne i shfaqim, por është mirë që edhe anëtarët e komisionit t’i kenë këto pamje. Teksti i parë në 21 mars, në FrontLine.
‘Ndëshkoni pamëshirë, këdo që ju blen votën, një votë po u prek do i pritet dora, nëse Rama fiton 71 mandate në mënyrë të ndershme, jap dorëheqjen dhe dal në opozitë. Tani Live më shkruajti Yuri Kim për të mos përmendur sfurqet, unë i them ambasadores që mos mbështet Edi Ramën. Patronazhistët janë duke u fshehur sepse kanë frikë se i kapin qytetarët dhe i kërkojnë llogari për publikimin e të dhënave.
1.04.2021, ABC News, Ilri Meta nuk pyet për gangsterët, kam një paralajmërim për mafien. Intervistë për një televizion në Vlorë, Meta: Qeveria po tenton marifetet por do e ketë të pamundur”, u shpreh Bushka.
Ndërkohë bëjmë me dije se këto prova, janë edhe arsyet që pretendon Komisioni Hetimor, për shkarkimin e Ilir Metës. Ato e kanë cilësuar Presidentin Meta, si një president që është bërë palë dhe nuk qëndron mbi palët./Opinion.al
