Ambasada amerikane ka reaguar pas shkarkimit të Gledis Nanos si Drejtor i Përgjithshëm i Policisë së Shtetit.
Në një postim të shkurtër në “Twitter”, Ambasada vlerëson Nanon, i cili ishte një partner i fortë i Shteteve të Bashkuara, si drejtor i Policisë së Shtetit shqiptar dhe më parë, si drejtor i Zyrës kundër Terrorizmit.
“I shprehim vlerësimin tonë Gledis Nanos, i cili ishte një partner i fortë i Shteteve të Bashkuara, si drejtor i Policisë së Shtetit shqiptar dhe më parë, si drejtor i Zyrës kundër Terrorizmit”, thuhet në postim.
Gledis Nano u shkarkuar sot me vendim të Këshillit të Ministrave. Lajmin e dha Ministri i Brendshëm Bledi Çuçi, i cili në një prononcim për mediat pas mbledhjes së qeverisë tha se Nano u shkarkua pasi nuk përmbushi objektivat.
