Relatori i çështjes Përparim Kalo në seancën e sotme në Gjykatën Kushtetuese i është drejtuar përfaqësuesve të Kuvendit me një sërë pyetjesh për procedurat e ndjekura për shkarkimin e Presidentit Ilir Meta.
Kalo ka kërkuar sqarim për ngritjen e Komisionit Hetimor parlamentar për shkarkimin e kreut të shtetit, e deri tek pretendimi i mazhorancës për përfshirjen e Metës në veprimtari zgjedhore.
“Pse konsiderohet veprimtari zgjedhore angazhimi i presidentit? Kalo: A mund ta sqaroni bazën ligjore mbi te cilët është ngritur komisioni hetimor? A është e detyrueshme prania e presidentit ne procedurat përkatëse, ne komisionin e ligjeve, atë hetimor dhe seance plenare? A mund te shtyhej afati për te mundësuar dëgjimin e presidentit? A janë respektuar afatet dhe rregulloret për përcaktimin e seancës për shkarkimin e presidentit? Ne raportin e komisionit hetimor flitet për një numër shkeljesh te renda ndërsa përdoret njëjësi. Cili ka qene qëllimi i përdorimit te njëjësit ne raport? Ne zbatimin e dispozitave kushtetuese ligjvënësi shfaqet dhe si interpretuesi i pare i shkeljes por a janë përdorur metoda te tjera për t’i evidentuar këto shkelje? Cilat janë interesat e presidentit?”, janë disa nga pyetjet e Kalos.
Për këto pyetje të ngritura nga gjyqtari Përparim Kalo, përfaqësuesit e Kuvendit kërkuan 2 orë kohë për t’iu dhënë përgjigje. Kështu trupa gjykuese vendosi ndërprerjen e seancës gjyqësore dhe rifillimin e saj në orën 17:30.
Prej orës 10:00 të mëngjesit të sotëm vijon seanca në Gjykatën Kushtetuese për shkarkimin e Presidentit Ilir Meta./Opinion.al
