Deputetja Rudina Hajdari ka kërkuar shtyrjen e ngritjes së Komisionit Hetimor për shkarkimin e presidentit Meta.
Kryetarja e grupit Demokrat në parlamentin e Shqipërisë deklaroi në fund të mbledhjes se e bazon kërkesën e saj në argumentin e mungesës së Gjykatës Kushtetuese pasi vetëm kjo mund të vendosë nëse e ka shkelur apo jo presidenti kushtetutën. Ajo shtoi se komisioni mund të ngrihet në një moment tjetër kur edhe situata politike të jetë qetësuar.
“Sapo përfunduam takimin e konferencës së kryetarëve dhe në fakt propozova shtyrjen e ngritjes së komisionit hetimor, pasi nuk kemi një gjykatë Kushtetuese dhe nuk është koha e duhur. Nga ana procedurale nuk e ndaloj dot, por nuk kemi pse nxitohemi. Nëse Presidenti ka shkelur Kushtetutën mund të vërtetohet kur të kemi Kushtetuesen. Sa i përket seancës së të hënës kemi kërkuar që të tërhiqemi nga diskutimi për një seancë që është bërë, se patëm një rezolutë që diskutua për Presidentin. Kjo e pështjellon situatën dhe konfliktin mes Ramës dhe Metës, që e shohim si personal. Komisioni të shtyhet kur të kemi një situatë më normale, kur të kemi ngritjen e Gjykatës Kushtetuese” tha Hajadri. /Opinion.al
