Kryeministri Edi Rama organizoi dje një mbledhje me ambasadorët e të gjithë vendeve anëtare të BE Shqipëri për të diskutuar në lidhje me dekretin e Presidentit Meta për të anuluar datën e zgjedhjeve të 30 qershorit. Takimi i djeshëm u bë me dyer të mbyllura dhe nuk u dhanë deklarata për mediat në lidhje me të. Por ditën e sotme ka dalë letra nëpërmjet të cilës kryeministri i është drejtuar ambasadorëve për ti njohur me arsyet e qëndrimit kundër dekretit të Presidentit.
Pasi i ka sqaruar gjendjen zgjedhore aktuale kryeministri ka shkruar se normaliteti i procesit zgjedhor ka marrë fund me firmosjen e dekretit që shfuqizoi datën e zgjedhjeve dhe këtë kryetari i qeverisë e konsideron një akt arbitrar në kundërshtim me kushtetutën.
“Presidenti po i tejkalon kompetencat e tij siç parashihet me kushtetutë. Sipas nenit 94 : Presidenti i Republikës nuk mund të ushtrojë kompetenca të tjera përveç atyre që i njihen shprehimisht me Kushtetutë dhe që i jepen me ligje të nxjerra në pajtim me të”.
Rama i ka renditur në letër gjithashtu të gjitha ato që ai i konsideron si shkelje të rënda të presidentit.
- “ Shkel kushtetutën, duke zgjatur mandatin e autoriteteve vendore;
- Shkel seriozisht simbolin e unitetit të njerëzve, sepse ai ka vepruar në mënyrë të njëanshme pa u konsultuar me palët politike;
- Shkel seriozisht të drejtën e qytetarëve për të zgjedhur dhe për tu zgjedhur;
- Ndërhyn në kompetencat e trupave ligjorë dhe kushtetues, sepse nëpërmjet shpalljes të një dekreti të ri duke ndryshuar datën dhe periudhën e zgjedhjeve, i ndalon kolegjit zgjedhor dhe KQZ-së të ushtrojnë pushtetin e tyre ligjor dhe kushtetues”.
Ai nuk ka lënë pa përmendur gjithashtu se ankimimi i këtij rasti mund ti referohet Gjykatës Administrative duke përmendur një precedent.
“Nuk është subjekt për rishikim nga ana e Gjykatës Kushtetuese. Në varësi të natyrës së pretendimit apo të thelbit të debatit, mund të jetë nën juridiksionin e gjykatës administrative ose nën juridiksionin e kolegjit elektoral” shkruan kryeministri. /Opinion.al
