Etilda Gjonaj ka zgjedhur ERTV, sigurisht një kanal të besueshëm komunikimi të qeverisë, për të folur mbi procesin e shumëdiskutuar të vetingut.
Ndër të tjera, Ministrja e Drejtësisë është shprehur edhe lidhur me shkarkimin e gjyqtarit të Gjykatës Kushtetuese, Fatos Lulo pak ditë më parë.
Gjonaj tha se shkarkimi i Fatos Lulos është guri i parë në vetting, dhe shkarkimi erdhi pas mos justifikimit të pasurisë.
“Qëllimi i reformës është rritja e besimit të qytetarëve. Ajo që ka ndodhur është procesi i pastërtisë së figurës, ai nuk ka justifikuar pasurinë e tij, por nuk është vendimi i formës së prerë. Kolegji i Apelimit është vendim i formës së prerë, dhe do të thotë shkarkimi i gjyqtarit të Kushtetueses”, deklaroi Gjonaj./ opinion.al
