Emisioni ‘Opinion’ këtë javë u përqendrua në disa tema që nga vjedhja e ARMO-s e deri tek ndërtimi i HEC-eve mbi Osum, por edhe temat jashtë aktualitetit nuk munguan.
Përveç deklaratave që ishin të shumta dhe u kthyen në burim lajmesh për portalet, më poshtë ju sjellim si ka qenë vijimësia e audiencës së emisionit ‘Opinion’ gjatë kësaj jave nga një temë në tjetrën.
Ditën e hënë( 5 shkurt 2018) në emisionin ‘Opinion’ u fol për vjedhjen e rafinerisë ARMO, audienca mesatare në këtë emision ishte 27.8% dhe ajo maksimale 34.9%.
Ditën e martë në ‘Opinion’ u trajtua tema për arrestimet e dy ish drejtorëve të rrugëve Andi Tomën dhe Dashamir Xhikën. Audienca mesatare në këtë emision ishte 36.6% dhe audienca maksimale arriti në 44.7% duke shënuar kështu emisionin “Opinion” më të ndjekur të javës.
Ditën e mërkurë “Opinion” nuk pati temë nga aktualiteti; me një panel të dominuar nga femrat, në emision u fol për modelet që ndjekim në jetë dhe personazhet nga të cilët inspirohemi. Ky duket se ishte emisioni “Opinion” më pak i ndjekur krahasuar me të tjerë gjatë kësaj jave. Audienca mesatare ishte 25.9% dhe audienca maksimale 31.8%.
Të enjten në mbrëmje “Opinion” erdhi me dy nga tema që duket se kanë interes të madh tek publiku: “Skandali i HEC-eve mbi kanione” dhe në pjesën e dytë “Kokën e kujt kërkon Evropa?”. Ditën e enjte audienca mesatare që u shënua në emision ishte 29.5% dhe audienca maksimale arrit në 41.3 %, duke e renditur emisionin e ditë së enjte të dytin.
Sipas të dhënave nga audienca emisioni ‘Opinion’ me i ndjekur ishte ai i ditës së martë (për shkarkimin e drejtorëve), ne vend të dytë renditej dita e enjte (emisioni për HECET në kanione), në vend të tret renditet dita e hënë (vjedhja e ARMO) dhe në vend të fundit për këtë javë u rendit emisioni i ditës së mërkurë (për modelet që ndjekim në jetë)./ G.Z- opinion.al
