Reshjet e shiut që përfshinë veriun e vendit pasditen e sotme ndihmuan në shuarjen e vatrave të zjarrit në Kukës, ku situata nga flakët ishte më kritike.
Mbrojtja Civile ka dhënë detaje për situatën në pyjet e Kukësit. Në një deklaratë, Komisioni i Mbrojtjes Civile, Prefektura Kukës bën me dije se në këto momente situata është e qetë, ndërkohë për të shikuar rezultatin e reshjeve në shuarjen e vatrave të zjarrit do të përcaktohet nesër nga verifikimi i tyre në terren.
“Nga informacioni i marrë nga Përgjegjësit e EC-së së bashkive Kukës Tropojë dhe Has i gjithë territori i Qarkut Kukës është përfshirë nga reshje shiu i shoqëruar në disa zona me breshër. Në këto momente situata është e qetë dhe vatrat e zjarrit janë të izoluara. Për të shikuar rezultatin e reshjeve në shuarjen e vatrave të zjarrit do të përcaktohet nesër nga verifikimi i tyre në terren,” thuhet në njoftim./ Opinion.al
