Policia ka nisur procedimin penal për një notere në kryeqytet, pasi ka përpiluar 2 kontrata shitjeje për të njëjtin apartament.
Sipas uniformave blu mësohet se shtetasja M. D., 57 vjeçe ka shpërdoruar detyrën si notere, duke kryer këtë veprim.
“Specialistët për Hetimin e Krimeve Ekonomike dhe Financiare kapën shtetasen e shpallur në kërkim në kuadër të operacionit “Apartamentet”, M. D., 57 vjeçe, pasi dyshohet se duke shpërdoruar detyrën si notere, ka përpiluar 2 kontrata shitjeje për të njëjtin apartament”, njofton policia.
Në përfundim të veprimeve procedurale, për 57-vjeçaren nisi procedimi në gjendje të lirë, për veprën penale “Shpërdorimi i detyrës“.
