Fanellat e Kombëtares Shqiptare të Futbollit të realizuara nga kompania “Macron” janë shitur të gjitha. Në tregun vendas dhe të huaj nuk gjendet më asnjë fanellë e Kombëtares “kuqezi”.
Siç duket, entuziasmi i tifozërisë shqiptare, pjesëmarrja historike në “Euro 2016”-të, por edhe stili plot elegancë, madje unik i saj, ka bërë që çdo fanellë të blihet nga tifozët “kuqezi” anekënd botës.
Vetëm në Zvicër, mediat shkruan pak ditë më parë, në një vend me mbi 8 milion e 200 mijë banorë, fanella kuqezi ishte më e kërkuara në treg, duke lënë të habitur edhe vetë pronarët e dyqaneve, të cilët deklaruan se produktet me simbolet kombëtare shqiptare shiten sikur të ishin ora zvicërane.
