Opozita ka akuzuar në vazhdimësi qeverinë “Rama” për shit-blerjen e votës gjatë zgjedhjeve të 2017, duke përmendur dosjet 339 dhe 184.
Lidhur me këto akuza, ambasadori i Bashkimit Europian në Shqipëri, Luigi Soreca, tha se ky është një fenomen negativ dhe një nga rekomandimet e OSBE-ODIHR.
Ambasadori i BE-së u shpreh për “Ora News”, se fenomeni i shit-blerejes së votës mund të ndalohet dhe pa ndryshuar kodin aktual zgjedhor.
Beti Njuma: A e mbështet BE kërkesën që ka bërë opozita, dhe zoti Basha për hetim të shitblerjes së votës. Ka dy dosje që qëndrojnë në prokurori prej kohësh, 339 dhe 184.
Luigi Soreca: Janë shifra të famshme në Shqipëri. Është e rëndësishme sepse shitblerja e votës është në vetëvete shumë negative dhe është një nga rekomandimet kryesore të OSBE/ODIHR. Zbatimi i tyre është një element shumë i rëndësishëm i vlerësimit që do të bëjë KE në fund të këtij muaji. Shitblerja e votës duhet të shmanget dhe nëse identifikohet duhet të ndiqet në vetvete. Ne e kemi ftuar qeverinë të bëjë cfarëdolloj gjëje që ka në dorën e vet, që mund të bëhet, edhe pandryshuar për shembull kodin e tanishëm zgjedhor që të zbatohen rekomandimet e OSBE/ ODIHR për shitblerjen e votës si për zgjedhjet vendore por dhe zgjedhjet e ardhshme. Shitblerja e votës shkon kundër konceptit të zgjedhjeve të lira dhe të ndershme dhe çdo lloj përpjekje duhet bërë nga të gjithë që të shmanget shitblerja e votës./ Opinion.al E.Xh.
