Një 35-vjeçar shqiptar është arrestuar në Itali, pasi trafikonte lëndë narkotike nëpërmjet furrës së bukës që kishte në pronësi.
Sipas mediave italiane, 35-vjeçari, që figuronte si pronar i një furre buke në Gjenova, kishte zgjedhur që të shiste edhe lëndë narkotike bashkë me bukët.
Gjatë kontrollit në biznesin e tij u gjetën disa kilogram hashash, të fshehura brenda magazinës së furrës së bukës.
Ndërsa në shtëpinë e të dyshuarit janë gjetur 9 mijë euro cash, të cilat dyshohet se janë të ardhura nga tregtia e drogës.
Shqiptari është arrestuar dhe është në pritje të seancës së menjëhershme të verifikimit./Opinion.al
