Një 18-vjeçar është arrestuar nga policia e Korçës pasi u kap në flagrancë duke shitur lëndë narkotike.
Bëhet me dije se shtetasi me iniciale N. M., 18 vjeç është ndaluar e më pas i është ushtruar kontroll në makinën e tij.
Policia ka gjetur dhe sekuestruar në cilësinë e provës materiale 1 grirëse me mbetje të dyshuara narkotike kanabis, 1 peshore e vogël elektronike dhe 11 doza me lëndë të dyshuar narkotike kanabis.
Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.
Njoftimi i policisë:
Goditet një rast i shpërndarjes së lëndëve narkotike në doza, vihet në pranga 1 shtetas.
Specialistët e Seksionit për Hetimin e Trafiqeve të Paligjshme dhe Narkotikëve të DVP Korçë arrestuan në flagrancë shtetasin N. M., 18 vjeç, banues në Korçë, për veprën penale “Prodhimi dhe shitja e narkotikëve”.
Shërbimet e Policisë, në bazë të informacioneve të siguruara nga inteligjenca informative, se ky shtetas ushtronte këtë aktivitet të paligjshëm, e kanë ndaluar atë, në lagjen nr. 10, Korçë. Gjatë kontollit të ushtruar në automjetin e tij tip “Mercedes-Benz”, u gjetën 1 grirëse me mbetje të dyshuara narkotike kanabis, 1 peshore e vogël elektronike dhe 11 doza me lëndë të dyshuar narkotike kanabis, të cilat u sekuestruan në cilësinë e provës materiale./Opinion.al
