Një 32-vjeçar ka rënë në prangat e policisë së Tiranës, pasi u arrestua në flagrancë teksa shiste lëndë narkotike në një lokal në zonën e Astirit.
Sipas policisë 32-vjeçari me iniciale A.T shiste në formë dozash, lëndë narkotike të llojit kokainë tek klientët e lokalit.
Pas ndalimit dhe kontrollit të realizuar në banesën dhe në makinën tij u gjetën dhe u sekuestruan në cilësinë e provës materiale: 60.2 gramë lëndë e dyshuar narkotike kokainë, dy shishe me përzierës lënde narkotike, peshore elektronike dhe dy aparate celulare.
Materialet procedurale iu referuan për veprime të mëtejshme Prokurorisë së Rrethit Gjyqësor Tiranë, për veprën penale “Prodhimi dhe shitja e lëndëve narkotike”./Opinion.al/
