Një 24-vjeçar ka rënë në prangat e policisë në Shkodër pasi është kapur në flagrancë duke shitur substanca të ndaluara.
Sipas njoftimit të policisë është ndaluar 24-vjeçari me iniciale S.R, i cili banon në lagjen Perash të Shkodrës. Pasi u arrestua në flagrancë nga policia duke shitur drogë, 24-vjeçarit iu bë edhe kontrolli i banesës.
Në shtëpinë e tij u gjetën dhe sekuestruar 6 aparate celulare, një sasi kartëmonedhash shqiptare me vlerën 122 900 lekë të reja, 10 euro, 50 paund i dyshuar i falsifikuar, 5 karta identiteti, 2 leje drejtimi shqiptare, 1 leje drejtimi ltaliane, 4 qese për përdorimin të lëndëve narkotike, dokumente automjeti, 3 ora dore dhe dy varëse, të cilat ishin lënë nga blerësit e lëndës narkotike, si dhe një letër me formula për prodhimin e lëndëve narkotike kokainë.
Ndërkohë puna për identifikimin dhe kapjen e bashkëpunëtorëve të tjerë është duke vijuar. Materialet iu referuan Prokurorisë së Rrethit Gjyqësor Shkodër, për veprat penale “Prodhimi dhe shitja e narkotikëve, e kryer në bashkëpunim” dhe “Falsifikimi i monedhave”./Opinion.al/
