Dy persona janë arrestuar nga Policia e Shkodrës, pasi shisnin fara kanabisi. Mësohet se në pranga kanë rënë Agron Doçaj dhe Liridon Gjoka.
Në cilësinë e provës materiale janë sekuestruar 1100 fara cannabisi, 1 armë gjahu, 20 fishekë, 2 radio si të Policisë dhe 1 automjet.
Nga kontrollet në automjetin që drejtonte 32-vjeçari Liridon Gjoka dhe ku ishte pasagjer shtetasi Agron Doçaj, shërbimet e Policisë gjetën 1100 fara cannabisi që posedoheshin nga drejtuesi i automjetit, me qëllim shitjen.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
