Numri i të vdekurve nga rrëshqitjet e dheut të shkaktuara nga shirat e rrëmbyeshëm në Kinën veriore është rritur në të paktën 21, thanë autoritetet.
Gjashtë persona të tjerë janë ende të zhdukur, njoftoi zyra e urgjencës e Kinës.
Reshjet e shiut në fshatin malor të Weiziping në provincën Shanxi shkaktuan rrëshqitje masive të dheut të premten, duke shkatërruar shtëpi, rrugë dhe ura.
Radioja shtetërore më herët raportoi se në këtë zonë është ndërprerë edhe energjia elektrike.
Qindra ushtarë dhe zjarrfikës janë mobilizuar në operacionet e kërkim-shpëtimit.
Javët e fundit, Kina është përballur me përmbytje vdekjeprurëse, pasi dhjetëra njerëz kanë vdekur gjatë stuhive që kanë goditur pjesën veriore të vendit./Opinion.al
