Një 27-vjeçar është shpallur në kërkim nga policia e Shijakut, pasi gjatë një konflikti për motive të dobëta ka qëlluar me armë zjarri në drejtim të një automjeti.
Mësohet se brenda mjetit ndodheshin dy persona, F. K., 30 vjeç drejtuesi i mjetit si dhe një femër e identifikuar me inicialet Xh. K., 30 vjeçe.
Policia bën me dije se nga të shtënat me armë nuk ka pasur persona të lënduar. Ndërkohë, mbi 27-vjeçarin e shpallur në kërkim rëndojnë akuzat “Vrasja në rrethana të tjera cilësuese” e mbetur në tentativë dhe “Armëmbatja pa leje”.
Njoftimi i policisë
Specialistët për Krimet në Komisariatin e Policisë Shijak, pas një pune hetimore intensive dhe reagimit në kohë kanë bërë të mundur identifikimin e autorit të ngjarjes së ndodhur mbrëmjen e djeshme në Shijak
Në përfundim të veprimeve të para hetimore është shpallur në kërkim dhe po punohet për kapjen e shtetasit I. B., 27 vjeç, për veprat penale “Vrasja në rrethana të tjera cilësuese” e mbetur në tentativë dhe “Armëmbatja pa leje”.
Ky shtetas dyshohet se pas një konflikti të çastit për motive të dobëta ka qëlluar me armë zjarri në drejtim të automjetit që drejtohej nga shtetasi F. K., 30 vjeç, ku ishte pasagjere shtetasja Xh. K., 30 vjeçe, banuese në Shijak.
Nuk ka asnjë të lënduar, veç dëme materiale të automjetit.
Materialet i kaluan Prokurorisë së Rrethit Gjyqësor Durrës për veprime të mëtejshme./ Opijnion.al E.Xh.
