Nga janari i vitit 2017 policia ka sekuestruar 28 tonë kananis sativa, 1 kg kokainë dhe 12 kg heroinë.
Ndërsa këtë vit procesi i monitorimit nga ajri me avionët specialë italianë do të nisë më shpejt. E deklaroi drejtori i Përgjithshëm për Sigurinë Altin Qato sot në një prononcim për median.
“Në kuadër të masave për parandalimin dhe goditjen e kanaisit, i kemi kërkuar Ministrisë së Brendshme të Italisë, dhe kemi marrë dakordësinë e saj që procesi i monitorimit ajror me avionë specialë, të fillojë më herët se vitet e tjera” deklaroi Qato.
Shpërblim nëse denonconi
Gjithashtu policia ka vendosur në dispozicion dhe një linjë të gjelbër 0800.90.90 për cdo informacion mbi rastin e implikimit apo favorizimit të kësaj veprimtarie të kundraligjshme, nga punonjës policie dhe jo vetëm.
“Për çdo shtetas që do të ofrojë informacion të vlefshëm është vënë në dispozicion një fond shpërblimi i cili për nga rëndësia dhe vërtetësia e informacionit do të shkojë deri në 300 mijë lekë”.
Disa statistika janar- prill 2017
Jane sekuestruar 28 ton kananis sativa, 1 kg kokainë dhe 12 kg heroinë.
Janë ushtruar 14 858 kontrolle në depo, rezerva të shtetit, sera.
Janë goditur 493 raste prodhim, shitje dhe trafik të lëndëve narkotike.
Janë arrestuar 379 autorë si dhe janë referuar materialet në prokurori për 243 autor të tjerë
Jane hetuar nga drejtoria e Standardeve Profesionale 58 punonjës policie nga të cilët 13 janë përjashtuar, 1 vërejtje me paralajmërim, ndërta të tjerët janë në proces hetim disiplinor dhe administrativ.
