Spanja, një nga vendet më të prekura në botë nga koronavirusi ka raportuar një rritje të numrit të viktimave, krahasur me një ditë më parë.
Kështu, autoritetet e vendit iberik raportuan se në harkun kohor të 24 orëve, janë shënuar 551 viktima, duke e cuar numrin total të tyre në 19130.
Sipas, Ministrisë së Shëndetësisë në Spanjë, numri i rasteve të konfirmuara ka arritur në 182816, me 5183 raste të reja në harkun kohor të 24 orëve të fundit.
Lajm i mirë është numri i personave të shëruar nga koronavirusi, 3944 persona në 24 orët e fundit, duke e çuar në 74797 numrin total të të shëruarve.
Më herët kryeministri spanjoll, deklaroi se vendi e ka kaluar kulmin e shpërthimit por theksoi se duhet patur ende kujdes në lirimin e masave dhe se Spanja është ende larg fitores./Opinion.al
