Rritet numri i viktimave nga koronavirusi në Itali në 24 orët e fundit. Emergjencat Civile raportojnë se në ditën e fundit u regjistruan 87 viktima të tjera nga Covid-19, krahasuar me 70 që ishin një ditë më parë.
Deri në këto momente, që nga fillimi i pandemisë në vendin fqinj kanë humbur jetën 33,229 persona. Mbetet e stabilizuar kurba e personave të rinj të infektuar, pasi autoritetet raportojnë 593 raste të reja.
Në rajonin e Lombardisë në 24 orët e fundit janë shënuar 38 viktima, teksa në disa rajone italiane si Basilicata, Calabria, Umbria, Abruzzo, Bolzano nuk kanë regjistruar asnjë rast pozitiv Covid në 24 orët e fundit.
Tashmë me qetësimin e situatës autoritetet po mendojnë lehtësimin e mëtejshëm të masave dhe lombardët pritet të kenë mundësinë të dalin nga provinca duke filluar nga 3 qershori./Opinion.al
