Shifra “qesharake”/ E dini sa paguhet Izmir Smajlaj, kampioni shqiptar i Evropës?

Izmir Smajlaj është atleti shqiptar që këtë të diel është shpallur Kampion Evrope në kërcimin e gjatë më një rekord prej 8.08.
I ftuar mbrëmjen e djeshme në emisionin Opinion Smajlaj ka thënë me bindje se mundësitë e tij fizike janë për më tepër, vetëm se duhet stërvitje e mirë. Madje ai ka thënë se në prova ka shënuar një hedhje prej 8.30, e ngjashme kjo me rekordet e kampionëve botërorë.
Megjithatë duket se 23 vjeçari shkodran çdo gjë e ka arritur me financat e familjes së tij, pasi rroga e tij është “qesharake”.
Deri para pak kohësh ai paguhej 300 mijë lekë të vjetra ndërsa tani paguhet 400 mijë.
Kjo shumë krahasuar me regjimin ushqimor që duhet të mbajë Izmiri, me udhëtimet për tu stërvitur në “Elbasan Arena” apo dhe me veshjet e posaçme, është gati e papërfillshme./opinion.al