Ditën e hënë në Kuvendin e Shqipërisë kanë ndodhur një sërë tensionesh dhe përplasjesh mes deputetëve të opozitës dhe të mazhorancës. Mes të cilave tërhoqi vëmendje gjuajtja e kryeministrit Rama nga kryetarja e LSI Monika Kryemadhi. Kryemadhi e gjuajti Ramën me çizme.
Ditën e sotme e ftuar në “Zonë e Lirë” me Arian Çanin, Kryemadhi tregoi se çizmet me të cilat ajo goditi kryeministrin Rama në sallën e Kuvendit nuk i ka më. Ajo tha se pranoi ti shiste çizmet me kushtin që paratë të shkonin për fëmijët abandonuar nga mosha 0 në 6 vjeç.
Kryemadhi zbuloi se çizmet i kishte blerë 120 mijë lekë të vjetra, dhe i shiti 1 mijë euro teksa tregoi edhe çekun që tha se do t’ja dorëzojë institucionit që kujdeset për fëmijët e braktisur. Po ashtu Kryemadhi tha se këpucët u blenë nga një sipërmarrës fason që do të prodhojë të tjera çizme si ato./Opinion.al
