Klubi i futbollit të Liverpoolit është gati të nënshkruajë marrëveshjen më të fitimprurëse në historinë e Premier League me kompaninë Nike.
Kampionët e Europës aktualisht sponsorizohen nga New Balance, megjithatë kontrata prej 55 milionë dollarësh në vit do të skadojë në fund të sezonit.
Siç raporton gazeta prestigjioze Forbes, klubi është tashmë në prag të lidhjes së një marrëveshje rekord me Nike për sezonin 2020-2021.
Marrëveshja raportohet se do të jetë më fitimprurësja në historinë e futbollit anglez dhe do të eklipsonte marrëveshjen prej 91 milionë dollarësh në vit të Manchester United me Adidas.
Marrëveshja do të ishte gjithashtu e treta më e lartë në futbollin botëror, pas Barcelonës, e cila ka një marrëveshje 122 milionë dollarë në vit me Nike, dhe Real Madrid, i cili zgjati marrëveshjen e tij me Adidas në fillim të këtij viti. Ata nënshkruan një marrëveshje masive prej 1.2 miliardë dollarësh me Adidas në maj të këtij viti – 134 milion dollarë në vit – por kjo shifër mund të rritet deri në 170 milion dollarë, sipas Goal.
Chelsea i dha fund marrëveshjes me Adidas gjashtë vjet përpara përfundimit për të nënshkruar një kontratë 15 vjeçare me Nike, e cila sjell në arkat e klubit londinez 73 milionë dollarë në vit.
Tottenham gjithashtu ka një marrëveshje me Nike e cila i sjell 37 milionë dollarë në vit. /Opinion.al
