Një avion me rreth 30 shtetas shqiptar të deportuar nga Franca dhe Belgjika ka mbërritur ditën e sotme në Rinas.
Si rezultat i bashkëpunimit dhe koordimimit me Frontex dhe policitë homologe, që nga 1 janari deri në 10 prill 2018 janë deportuar 4492 shtetas shqiptarë të parregullt, nga vendet e BE-së.
Gjatë një prononcimi për mediat zv/drejtoresha e Përgjithshme e Policisë së Shtetit, Aida Hajnaj ka thënë se Policia e Shtetit do të vazhdojë parandalimin e fenomenit të azilkërkimit.
Ndërkohë personat që nuk përmbushin kushtet për të udhëtuar në zonën Schengen nuk do të lejohen të kalojnë pikat e kalimit kufitar dhe që prej gushtit të vitit 2017 për mos respektim të rregullave janë proceduar rreth 80 shtetas shqiptarë.
Policia e Shtetit do të vazhdojë të zbatojë masat shtesë, deri në parandalimin e këtij fenomeni.
