“Numri i njerëzve të detyruar të ikin nga konflikti, dhuna, shkeljet e të drejtave të njeriut dhe persekutimi tani ka kaluar kufirin prej 100 milionë. Ky është rekordi i nxitur nga lufta në Ukrainë dhe konflikte të tjera vdekjeprurëse”,-tha Komisioneri i Lartë i OKB-së.
Në një deklaratë, shefi i UNHCR-së, Filippo Grandi, thotë se kjo është “një shifër e zymtë – kthjelluese dhe alarmante në të njëjtën kohë. Është një rekord që nuk duhet të ishte vendosur kurrë.
“Kjo duhet të shërbejë si një thirrje zgjimi për të zgjidhur dhe parandaluar konfliktet shkatërruese, për t’i dhënë fund persekutimit dhe për të adresuar shkaqet themelore që detyrojnë njerëzit e pafajshëm të largohen nga shtëpitë e tyre”,-tha ai.
UNHCR thotë se lufta në Ukrainë ka zhvendosur tetë milionë persona brenda vendit dhe më shumë se gjashtë milionë njerëz kanë ikur jashtë vendit.
Vitin e kaluar, numri i të zhvendosurve në OKB u rrit në 90 milionë për shkak të dhunës dhe konfliktit në vende si Etiopia, Burkina Faso, Mianmari, Nigeria, Afganistani dhe Republika Demokratike e Kongo, shkruan BBC./Opinion.al
