Shfaqet Dritan Zagani: “Më duan të vdekur”

Dritan Zagani, ish-shefi i Antidrogës, është rishfaqur pas akuzave të forta që lëshoi ndaj Ministrit të Brendshëm Saimir Tahiri, duke denoncuar faktin që makina e ministrit përdoret nga kushërinjtë e tij për trafik droge. Në intervistën e dhënë për gazetën prestigjoze italiane “Corriere Della Sera” me titullin “Jeta në arrati e superpolicit. Vrasësit shqiptarë më duan të vdekur”, Zagani i cili mësohet të ketë kërkuar azil politik në Zvicër thotë se “U arratisa sepse donin të më vrisnin. Zgjodha Zvicrën dhe jo Italinë sepse te ju mafia shqiptare është e fuqishme dhe gjendet kudo dhe mund të më gjejë kudo. Ndodhi disa vite më parë. Vranë një ish-agjent policie që kishte bezdisur një bos droge”