Nuk ka munguar një reagim i kreut të radikalëve serb, Vojsllav Sheshel pas komunikatës së zv/ministrit të Jashtëm të Kosovës, Petrit Selimi.
Selimi ka deklaruar nëse kreu i radikalëve serb tenton të futet në Republikën e Kosovës, ai do të arrestohet.
Ndërsa, Sheshel i ka dhënë përgjigje me anë të një medie serbe, i cili ka theksuar se Selimi dhe zyrtarë të tjerë dëshirojnë ta arrestojnë atë për t’i marrë organet.
Më tej, kreu i radikalëve serb thekson se me çfarë baze ligjore do t’më arrestojnë? Sipas tij, ata nuk kanë asnjë arsye.
“Unë në fakt e di se çfarë ata dëshirojnë… të më arrestojnë dhe më pas t’mi marrin organet për shitje”, ka thënë Sheshel.
“Ata e dinë se do të përfitonin shumë, pasi mëlçinë e kanë në gjendje të mirë, është shumë e shëndoshë, gjithashtu edhe zemrën e kam mirë me të gjithë defibilatorët në të cilën Kombet e Bashkuara kanë investuar 40 mijë euro. Gjithashtu i kam të dyja veshkat dhe një organ që është në gjendje të mirë”.
Ai ka paralajmëruar se Partia Radikale Serbe (SRS) do të mbajë tubim në Kosovë.
“SRS do të mbajë takimin e paracaktuar në Kosovë dhe unë do të shkojë, por nuk e di nëse do të jem pjesë e tubimeve, pasi kam disa tubime në vende tjera”, ka thënë Sheshel.
