Pasi është përplasur me kryetarin e Partisë Demokratike, Lulzim Basha, ministri Lleshaj është përplasur fort edhe me ish-kryeministrin Berisha.
Shkak është bërë ngjarja e Kavajës, ku ministri Lleshaj i është drejtuar me fjalët “se ai i ka duart e bardha, dhe jo të skuqura nga gjaku”
“Policia ka marrë dijeni, ka reaguar në momentin zero, në 29.1 2019 ndaj denoncimit të familjarëve, po në këtë moment policia ka referuar çështjen në prokurori, pra e ka bërë publike atë, dhe së treti të gjitha akuzat janë të pabaza, të dëmshme dhe dashakeqe për të nxirë një institucion që i shërben qytetarëve. Denoncimi në rrjetet sociale, është bërë pasi kanë qenë të arrestuar, janë arrestuar para se të bënit atë palo status, juve tju vij turp që gënjeni. Mua kriminel nuk më thoni dot ju, i kam duart e bardha unë, jo të skuqura, nuk kam gjak në duar unë, tha Lleshaj
Në këtë moment në foltore është ngritur kryeministri Berisha, i cili ishte i pari që publikoi rastin e Kavajës.
Ai iu drejtua ministrit Lleshaj me fjalët “A mund të imagjinoni ju një zyrtar që ka pafytyrësinë dhe u thotë shqiptarëve se policia veproi para denoncimit, kush e bën këtë përveç këtij vasali, është turpi më i madh o puçist, i bindur të jesh se së bashku me të do zvarriteni rrugëve, rrugëve do zvarriteni.” D.l
