Bashkëkryetarja e komisionit të Reformës Zgjedhore, Rudina Hajdari u rikthye në sesionin e dytë të tryezës së OSBE-së duke kërkuar ndjesë për largimin nga sesioni i parë.
Reagimin, ajo e cilësoi si emocional, pasi akuzoi përfaqësuesin e PD-së, Ivi Kaso se nuk erdhi si ekspert, por si përfaqësues politik i PD-së.
“Më lejoni të bej sqarim te vogël. Ishte një reagim emocional se kishte një rend ditë që u ndryshua. Ishte një reagim emocional, zoti Kaso që erdhi këtu nuk është teknikcien, por anëtar i kryesisë së PD-së, person politik. Kaso duhet të ishte qortuar edhe nga ambasadori, pasi po mundohet të bllokojë procesin e reformës zgjedhore. Patjetër që do të kemi probleme dhe shqetësime, më erdhi keq që nuk dëgjova ekspertët e parë. Grupi parlamentar demokrat dhe i pavarur do të qëndrojnë dhe do të vijojnë punën. Ky ishte një reagim emocional dhe i natyrshëm. Nuk mundet askush që të bllokojë këtë proces. Ne do të rrimë në parlament dhe në komisionin e reformës dhe partneritetin tonë me ndërkombëtarët për të dhënë shqiptarëve reformën zgjedhore” tha Rudina Hajdari.
Debatet vazhduan sërish në këtë tryezë mes deputetit socialist Bashkim Fino, deputetit të ri Ralf Gjoni dhe Rudina Hajdarit.
Bashkim Fino: Jam anëtar edhe më i rëndësishëm edhe do flas edhe pa më dhënë leje, edhe juve edhe zotin Damian nuk e zbatoni këtë program. Mos na vini pas dy orësh të na kërkoni falje ne, ikni atje jashtë të kërkoni falje për mediat. Programin e kishit, të reagonit që në fillim, vini pas të vjelave ju të na tregoni ne, ca jeni ju. Jeni deputetë të partive që duam bashkëpunim, ju jeni pjesa tjetër që keni ardhur, pas atyre që kanë dalë në rrugë, ne i respektojmë edhe të tjerat që kanë më pak vota apo shoqërinë civile, jo të na tregosh ti, ikën dy orë ti, shikon gjithë lajmet ti dhe justifikon pse ike ti. Edhe mos u merr me bashkëkryetarin tonë, Damian Gjiknurin.
Rundia Hajdari: Kemi 30 vjet që ju dëgjojmë, nuk na thoni asgjë të re, nuk thatë asgjë
Bashkim Fino: Dili për zot programit, kaq
Rundina Hajdari: Po prishni rendin, nuk është normale të sulmoni në këtë lloj mënyre, pati disa deklarata që nuk duheshin bërë, që të vinte ai dhe të thoshte ai që komisioni nuk është legjitim
Ralf Gjoni: Nëse ju doni ta pranoni këtë vazhdoni, vazhdoni pazare ne nuk e pranojmë
Rundina Hajdari: Ju lutem, kishim mbledhje të grupit parlamentar dhe diskutuam për atë që ndodhi, kjo ishte ajo që ndodhi, patëm takim bashkërisht./ Opinion.al
