Kryeministri Edi Rama ka reaguar pas incidentit të ndodhur sot në Kuvend dhe kërkesën për përjashtimin e dy deputetëve të Partisë Demokratike Edi Paloka dhe Bujar Leskaj.
Përmes një postimi në “Twitter” Rama shkruan se seanca u mbyll me dy të dehur nga foltorja që shanë me libër shtëpie.
Ndër të tjera, kryeministri tha se në 28 orë seancë diskutimesh asnjë nga partitë opozitare nuk pranuan që ka luftë dhe asnjë nuk foli për lidhjen e këtij konflikti me krizën e çmimit të energjisë dhe inflacionit apo për financimin rus.
“Pas 28 orësh seancë diskutimesh për #Buxhetin2023 as PD, as PF dhe as PL(Partia e Lekut) nuk pranuan që ka luftë, nuk folën për asnjë lidhje mes luftës së Putinit, krizës së çmimit të energjisë dhe inflacionit të luftës, nuk thanë asnjë llaf për 1/2milionë USD të marra nga rusët!
Seanca u mbyll me dy të dehur nga rruga e Foltores që shanë me libër shtëpie në emër të popullit dhe mbetën pa bërtitur “Shqipëria në Rrezik!” se harruan tekstin prej alkoolit! 3 parti bedelësh pa atdhe, pa din e as iman, me dy të shitur në ballë e dyzet të shkalafitur vërdallë!”, shkruan Rama./Opinion.al
