Ish-kryeministri, Sali Berisha ka reaguar pas përplasjes së Luçiano Boçit me biznesmenin, Gjergj Luca.
Teksa shpërndan pamjet Berisha thotë se videoja dëshmon se si i vërsulet dhe e sulmon Luca kandidatin e PD për deputet Boçi. Ai shpreh solidaritetin Boçit për atë që ai e quan mbrojtje dinjitoze dhe burrërore ndaj agresorit. Sakaq, për Lucën thotë se do të ndëshkohet për veprën penale të krimit të rëndë elektoral.
“Video që dëshmon se si i vërsulet dhe sulmon narkobanditi i Edvinit Luca si qen i tërbuar kandidatin e PD për Elbasanin Luçiano Boçi! Duke shprehur solidaritetin tim më të plotë kandidatit për deputet Boçi për mbrojtjen dinjitoze dhe burrërore ndaj agresorit, është rasti ti themi këtij mercenari se pas 25 prillit padroni yt ja mbath për Beograd, kurse ti do ndëshkohesh për veprën penale të krimit të rëndë elektoral!”, shkruan Berisha./Opinion.al
