Pak ditë më parë këngëtarët Sabri Fejzullahu dhe Flori Mumajesi u përfshinë në një debat për çështjet e blerjes së klikimeve për këngët.
Në një intevistë Fejzullahu u shpreh se shumë këngëtarë blejnë klikime dhe si një nga shembujt përmendi Mumajesin, i cili arrin 3 milion klikime për një ditë. Pas këtij komenti ka reaguar Flori duke shkruar në Instagram:
“Ncncncnc pse be axha Sabri kapesh me mu? Edhe po ti kem ble sti kam marr ty paret! pse be po merzitesh kaq shume? Pash mu mo be! Flori dhe kur tjeret kan honger i ka lon me u ngi mire se nuk kam qen, nuk jam e as kam me qen najher une shembulli per blerje klikimesh!!! Kerkujt si futem n’xhep e n’jeten e vet. Kur i bojn vet shume klikime nuk nihen vec ferkojn gjoksin kishe jon artista t’mdhej, kur nuk i bojn vet e i bojn tjeret merren me llafe. nejse e vertet klikimet edhe mund te blihen Axha Sabri po si me ja bo kur ta blejn Karrieren”,-kishte shkruar Flori në rrjete sociale.
Këtë herë për këtë çështje ka reaguar djali i Sabri Fejzullahut, Ermali, i cili në një intervistë në RTV21 u shpreh i indinjuar për komentin e Florit duke thënë se ishte një veprimi ulët:
“Më ka ardhur keq për atë që ka ndodhur. Më ka ardhur keq nga të dy palët. Një plak 75-vjeçar ndoshta e nxjerr ndonjë fjalë pa lidhje, por më ka ardhur shumë keq nga kolegu, nga Flori, që ka bërë një reagim që nuk i ka pasur hije, duke pasur parasysh moshën, karrierën e tij, zhargonin që e kishte përdorur në atë postimin, më është dukur e ulët. Unë e kam kontaktuar personalisht dhe i kam thënë, të lutem, të kesh parasysh që babai im ka atë moshë, fshije fare atë postim. Më është dukur shumë gjest i ulët. Mirëpo sido që të jetë, jeta është e gjatë, i uroj atij sukses edhe shëndet,”-ka thënë këngëtari Ermal Fejzullahu./Opinion.al/
