Një 27-vjeçar ka mbetur sot i plagosur pas një sherri të ndodhur në zonën e Unazës së Re. E plagosur ka mbetur edhe e fejuara e tij, një 23-vjeçare me inicialet K.K, ndërkohë që policia ende nuk bën me dije motivet e kësaj ngjarjeje. Sipas informacioneve të deritanishme, ngjarja ka ndodhur rreth orës 15:00 dhe si pasojë e një konflikti të ndodhur jashtë një lokali, dy të rinjtë kanë mbetur të plagosur, por jashtë rrezikut për jetën.
Panorama” mëson se sherri ka ndodhur në një studio tatuazhesh, dhe është shpallur në kërkim pronari i biznesit.
Gjithashtu mëoshet se janë kapur dhe shoqëruar në ambientet e policisë shtetasit : H.N, Ç. Sh dhe F.P, tre autorët e plagosjes të çiftit në zonën e Unazës së Re.
Mendohet se sherri ka nisur per shkak te ngacmimit qe te rinjte i kane bere te fejuares se 27-vjecarit.
Informacioni i policisë
Më datë 06.05.2018, rreth orës 15:00, në zonën e Unazës së Re, si pasojë e një konflikti të ndodhur jashtë një lokali, kanë mbetur të plagosur me mjet prerës (thikë) shtetasi A. M., rreth 27 vjeç dhe e fejuara e tij, shtetasia K. K., rreth 23 vjeçe.
Shtetasit e dëmtuar janë transportuar për ndihmë mjekësore në Spitalin Ushtarak dhe aktualisht ndodhen jashtë rrezikut për jetën.
Është identifikuar autori dhe po punohet për kapjen e tij.
