Sherri mes dy personave nën ndikimin e alkoolit ka degjeneruar në përdorimin e armëve të ftohta.
Burime nga policia bëjnë me dije se një person është plagosur me thikë pas mesnate në zonën e Bllokut në Tiranë. Nga të dhënat e para mësohet se i plagosuri është Halim Hysa, 31 vjeç. “Më datë 27.09.2016, rreth orës 00:30, ka shkuar në urgjencën e SQU, shtetasi H. H., 31 vjeç, i goditur me thikë” njofton policia. Pas hetimeve, policia njofton se ka identifikuar edhe autorin e ngjarjes. “Shtetasi T. A., 45 vjeç, dyshohet se rreth orës 00:30, tek rruga “Donika Kastrioti”, pas një konflikti për motive të dobëta ka goditur me mjet prerës shtetasin H. H., i cili ka shkuar në QSUtë dhe ndodhet jashtë rrezikut për jetën. Po punohet për kapjen e këtij shtetasi” njofton policia. I plagpsuri ndodhet jashtë rrezikut për jetën.
