Një emigrant shqiptar ka qëlluar me thikë dy polakë në Austri, duke vrarë njërin prej tyre dhe plagosur rëndë tjetrin.
Ngjarja ka ndodhur në një lagje të kryeqytetit austriak. Shqiptari është larguar nga vendngjarja dhe është shpallur në kërkim, raporton gazeta austriake “Kronen Zeiting”.
Kështu, sipas dëshmitarëve, gjithçka ka nisur pas një sherri mes shqiptarit dhe dy polakëve në një lokal në “Quellenstrasse”, lagjen me më shumë emigrantë në Vjenë, raporton panorama.
Kështu, mësohet se pas sherrit, shqiptari i armatosur ka qëlluar me thikë polakët, duke vrarë njërin prej tyre, i moshës 34 vjeç dhe plagosur një tjetër, 37 vjeç.
Të dy polakët janë qëlluar mbi 5 herë me thika nga shqiptari, që mundi të largohet nga vendngjarja. Ai tashmë është në kërkim nga policia.
