Policia e Tiranës ka dhënë detaje mbi incidentin e ndodhur në një KZAZ në zonën e Kasharit, ku një vëzhgues ka goditur anëtarin e kësaj KZAZ-je.
Sipas uniformave blu bëhet me dije se janë konfliktuar mes tyre përfaqësues të subjekteve të ndryshme politike.
Si pasojë është shoqëruar në polici shtetasi R. N., 26 vjeç, i dyshuar i përfshirë në konflikt.
“Rreth orës 14:30, është kërkuar ndërhyrja e Policisë në KZAZ Nr. 30, në Yrshek, pasi gjatë procesit të numërimit, përfaques të subjekteve të ndryshme politike janë konfliktuar me njeri-tjetrin.
Shërbimet e Policisë kanë shoqëruar shtetasin R. N., 26 vjeç, i dyshuar i përfshirë në konflikt, për veprime të metejshme proceduriale.
Në lidhje me pretendimin se në konflikt janë përfshirë dhe punonjës policie, sqarojmë se ky pretendim është i pavërtetë”, njofton policia.
Vijon puna për shoqërimin e personave të tjerë të përfshirë në konflikt dhe dokumentimin e plotë e rrethanave të konfliktit./Opinion.al
