Te Real Madrid vazhdon të mos ketë qetësi.
Këtë radhë shkaktar është bërë Sergio Ramos.
I cili akuzohet në vazhdimësi si një nga shkaktarët e situatës së rënduar emocionale që mbizotëron në skuadër.
Janë disa episodet që e vendosin Sergio Ramos në pozitë jokomode.
Fillimisht kapiteni kërkon në moshën 32 vjeçare një pagë prej rreth 18 milion euro.
Që do të thotë dyfishin e asaj që merr aktualisht.
Tjetra është që Ramos njihet si një lojtar sherrxhi.
Së fundmi ka goditur me top në gjaknxehtësi e sipër shokun e tij të skuadrës, Reguilonin, çka tregon për personalitetin e tij arrogant.
Por ajo që është më e papranueshme është që Ramos dhe Isko kanë disa javë që nuk flasin së bashku.
Të gjitha këto janë rrëfyer nga gazetari Pipi Estrada në emisionin “El Chiringuito”.
Po kështu Estrada, ka rrëfyer se ishte Ramos që nuk pranoi Konten të vinte në krye të pankinës së Realit.
