Policia ka nisur procedimin penal ndaj 3 personave që janë përfshirë në një konflikt për çshtje pronash.
Ngjarja mësohet të ketë ndodhur në Konispol, ku si pasojë e konfliktit ka mbetur e plagosur një grua, pasi është goditur me grushte nga një 23-vjeçar dhe e afërmja e tij 42-vjeçare.
Për të dy uniformat blu kanë nisur procedimin penal, ashtu si edhe për një 38-vjeçar që ka qëlluar me armë gjatë konfliktit.
“Stacioni i Policisë Konispol referoi materialet në Prokurori ku nisi procedimi penal për shtetasit R. I., 23 vjeç, M. I., 42 vjeçe, dhe B. H., 38 vjeç, të tre banues në Konispol, pasi dyshohet se gjatë një konflikti për çështje pronësie, shtetasit R. I. dhe M. I. kanë goditur me grushte shtetasen Th. H., ndërsa shtetasi B. H. dyshohet se ka qëlluar në ajër, me armë gjahu të cilën e kishte me leje”, njofton policia./Opinion.al
