Një ngjarje e rëndë është shënuar paraditen e sotme në qytetin e Kavajës. Konflikti mes dy kushërinjve për motive pronësie, ka çuar në vrasjen e njërit prej tyre.
Viktimë ka mbetur Fatmir Çeletaj, i cili ka gjetur vdekjen pasi u godit me sëpatë nga kushëriri i tij, Qamil Çeletaj.
Ngjarja e rëndë ka ndodhur rreth orës 09:40, në fshatin “Cikallesh”.
I lënduar nga kjo ngjarje ka mbetur edhe një tjetër person. Ai është Vilson Isufi, i cili është dërguar në S.Q.U.
Nga hetimi paraprak, policia dyshon se shkak për ngjarjen është bërë një konflikt për motive pronësie mes palëve, për një pemë që ishte pranë kufirit ndarës të pronave të tyre.
*foto ilustruese
