Dy të rinj kanë mbetur të plagosur me thikë në Tiranë, pas një konflikti mesditën e sotme në rrugën “Murat Toptani”.
Policia e Tiranës tha se rreth orës 14:20 ka ndodhur një konflikt midis disa shtetasve, ku si pasojë kanë mbetur të plagosur me thikë A. S., 24 vjeç dhe E. E., 24 vjeç.
Dy të rinjtë ndodhen në S.Q.U., jashtë rrezikut për jetën.
Si autorë të dyshuar të plagosjes janë identifikuar personat me inicialet E. N. dhe D. D.
Nga hetimet paraprake dyshohet se shkak i konfliktit është bërë një femër.
