Dy persona kanë mbetur të lënduar pas një sherri të ndodhur mëngjesin e së dielës në Tiranë.
Policia bën të ditur se ngjarja ka ndodhur në orët e para të mëngjesit, ku në rrugën “Frederik Shiroka”, janë konfliktuar me sende të forta disa shtetas.
Si pasojë e konfliktit janë dëmtuar shtetasit M. B., 26 vjeç, dhe E. A., 32 vjeç, të cilët janë dërguar në spital për ndihmë mjekësore.
Shtetasi E. A. pasi ka marrë ndihmën mjekësore është larguar nga spitali, ndërsa shtetasi M. B., ndodhet nën kujdesin e mjekëve.
Uniformat blu kanë nisur punën për zbardhjen e konfliktit dhe kapjen e personave të tjerë të përfshirë në këtë përplasje fizike./ Opinion.al
