Avokatja e njohur e cila është dhe figurë publike, Eni Çobani është shoqëruar për tu marrë në pyetje në komisariatin e Gjirokastrës. Ngjarja ka ndodhur mesditen e sotme, teksa Çobani ka qënë në një seancë gjyqësore në Gjykatën e Gjirokastrës.
Gazeta “Panorama” raporton se shkak është bërë debati i fortë verbal, që më pas degjeneroi edhe në përplasje fizike, në seancë gjyqësore mes shtetases Merushe Makri dhe ish-nuses së djalit të saj, të resë, Rudina Islamaj. Çobani është avokate e Merushe Makrit.
Ka qenë një kushërirë e gruas së re, Islamaj, e cila ka denoncuar kërcënimin që i është bërë asaj nga Eni Çobani.
“Eni Cobani është shprehur se nga ‘une nuk do të shpëtosh kurrë deri sa unë të jem gjallë”- ka thënë ajo ne adrese te nuses, raporton Panorama.
Sherri mes tyre u bë publik edhe në rubrikën “Shihemi në gjyq” që drejton Çobani, ku vjehrra akuzoi nusen se e kishte rrahur dhe nxjerrë nga banesa.
