Policia njofton se në aksin rrugor Elbasan – Tiranë, pranë Xibrakës ka patur të shtëna me armë zjarri.
Menjëherë në vendngjarje kanë shkuar shërbimet e policisë dhe nga verifikimet paraprake ka rezultuar se në aksin rrugor Elbasan – Xibrakë ka patur një konflikt midis disa shtetasve.
Gjatë konfliktit dyshohet të jetë qëlluar me armë zjarri në ajër.
Nga të shtënat me armë zjarri nuk ka persona të dëmtuar
Njëri nga personat që është përfshirë në konflikt, shtetasi S.M, aktualisht është i shoqëruar në Komisariat dhe po merret në pyetje për sqarimin e rrethanave të ngjarjes.
Gjatë kqyrjes së vendit të ngjarjes grupi hetimor në afërsi të karburantit në aksin rrugor Elbasan – Xibrakë ka gjetur dhe sekuestruar në cilësinë e provës materiale:
Dy gëzhoja pistolete kalibër 9 mm.
Grupi hetimor po punon për sqarimin e plotë të rrethanave të ngjarjes.
