Një sherr në paraburgimin e Vlorës midis 4 personave ka përfshirë edhe gardianët. Ngjarja ka ndodhur më 3 Maj. Eduart Xhezo, Emilent Dhepa dhe Lulzim Demiraj kanë rrahur Eduart Ahmetin dhe më pas gardianët që kanë ndërhyrë për t’i ndarë.
Eduart Ahmeti është goditur në ambientet e dhomës së telefonatave. Pas ndërhyrjes nga gardianët e burgut edhe këta të fundit janë rrahur nga të burgosurit.
Incidenti nuk ka kaluar pa pasoja për Lulzim Demirajn i cili është dënuar me 3 muaj izolim me kërkesë të drejtorit të përgjithshëm të burgjeve Agim Ismaili, ndërsa kjo kërkesë është miratuar edhe nga gjykata e Vlorës. Ky vendim i gjykatës është i formës së prerë dhe nuk mund të ankimohet.
Eduard Xhezo i arrestuar për vrasjen e biznesmenit Arben Beqiraj në Vlorë pas sherrit për një kalë verën e kaluar.
Emilent Dhepa, 38 vjeç, njihet edhe si super hajduti i dyqaneve në disa zona të ndryshme të Tiranës.
Lulzim Demiraj, 43-vjeç, akuzohet se ka qëlluar me automatik, duke plagosur pronarin e pikës së këmbimit valutor Gëzim Hoxha , gjatë një tentative për grabitje me maska. /Opinion.al
